Luís Loureira

SECCIÓNS

INICIO

O ESCULTOR

NOVAS

HEMEROTECA

GALERÍA

LIGAZÓNS

CONTACTAR


A Peneira dos Soños
Escultura conmemorativa do premio literario Biblos-Pazos de Galicia

TÍA MANUELA

Palabras e música

Luís Celeiro

03/10/2018


Moita xente de distintos puntos de Galicia foi a Samos para falar e escoitar falar de Martín de Padrozelos, aquel trobador do século XII, que deixou dez cantigas para que agora, nestes tempos novos, poidamos estudar e entender mellor a realidade literaria e real da Idade Media. Moita xente era de Ourense, de Vigo e arredores, de Pontevedra e da Coruña; moitos eran de Lugo e outros viñeron de fóra, de Madrid e de Barcelona, de Asturias e de Portugal.

Acudiron á chamada cultural en réxime de autoconvocatoria e volveron marabillados da zona, daquela zona da Lóuzara xabreira de Fiz Vergara Vilariño, daquela zona do Alto da Pedra, ao carón dos tesos cumes do Courel, onde o ceo e a terra están frecuentemente abrazados pola néboa. “Eiquí síntese ben o pouco que é un home”, escribía Novoneyra.

Foi un acto divulgativo, de investigación literaria, emotivo e comprometido. Todos atentos e pendentes dos versos medievais. Tan lonxe e tan cerca. Porque “É un orgullo para un pobo ter un trobador como este”, dixo Jei Noguerol, ese cantautor prezado que, a pesar de tantos anos en Barcelona como profesor de Lingua e Literatura, mantén as raíces afondadas na nosa terra e abonadas coa nosa cultura galega. 

Mero Iglesias e Xosé Quintas Canella tamén están no labor e saben que, como dicía F. Nietzsche, “a vida sen música, sería un erro”. Por iso, coa súa xenerosidade e o seu saber, van musicar algunhas das cantigas de Martín de Padrozelos, deste trobador que, segundo o profesor e investigador Xulio Pardo de Neyra, era un louzariño co nome de Martín Pérez. Outra investigadora, a profesora Dulce Fernández Graña defende a calidade literaria das cantigas deste home e, co seu parlamento fundado e argumentado, encheu de emoción ao auditorio, igual que o fixo o mestre, amigo e poeta, Xoán Xosé Fernández Abella, co recitado de “Eu, louçana”.

A subdelegada do Goberno en Lugo, Isabel Rodríguez, e a vicerreitora de coordinación do Campus de Lugo da Universidade de Santiago, Montse Valcárcel, xunto co alcalde de Samos e as alcaldesas de Sarria, O Incio e Triacastela, foron destacadas partícipes nun evento cultural feito para que a mocidade fale e escoite falar dos méritos dos seus e para que as palabras, a música e a poesía rompan os parapetos e os antepeitos de calquera tempo.

Artigo publicado en:

El Progreso (02/10/18)
El Correo Gallego (03/10/18)
La Región
(03/10/18)

Artigos publicados anteriormente: 

166). Palabras e música (03/10/18)
165). O quinto sabor
(26/09/18)
164). Contradición permanente (19/09/18)  
163). Vén o outono
(12/09/18)
162). A profesión do amor
(04/09/18)
161). Heroicidade (29/08/18)
160). Grazas, Manolito (22/08/18)
159). Sor Paquita, unha galega de Zamora
(15/08/18)
158). Moncho, pensamento e corazón  (08/08/18)
157).
Riqueza é ter saúde  (01/08/18)
156). Todo será posible  (25/07/18)
155).
Os petróglifos, perduran e ensinan  (18/07/18)
154). Miguel Cortizo Nieto  (11/07/18)
153). As pegadas da historia  (04

Luís Loureira - l.loureira@luisloureira.eu